ՄՈՇԻ ՄՈՐՈԻ ԵՎ ԵԼԱԿԻ ՄՈՒՐԱԲԱ

Մուրաբաներ պատրաստելու համար հատապտուղները պետք է լինեն խոշորահատիկ, ոչ շատ հասունացած։ Առաջին հերթին անհրաժեշտ է մաքրել տերևները և պտղակոթերը բա­ժակաթերթիկներից։ Տեսակավորելուց Հետո լվանում են սառն աղբյուրի ջրով։

Մեկ կիլոգրամ հատապտղին անհրաժեշտ են 1,3 կգ շա­քարավազ և 1 թեյի բաժակ ջուր։ Հատապտուղների վրա ա-վելացնում են պատրաստած շաքարաջուրը և դնում թույլ կրա­կի վրա, եփում 5 րոպե, այնուհետև թողնում հանգստանա այնքան ժամանակ, մինչև նրա ջերմ աստիճանը հասնի 20— 25°-ի։ 2-րդ անգամ եվւում են 8—10 րոպե և թողնում սառ­չի 20—25 րոպե, իսկ 3-րդ անգամ եփում են մինչև պատ­րաստ լինելը։

Նույն հատապտուղները կարելի Է եփել այլ եղանակով: Պտուղների հատիկների ամբողջականությունը պահպանելու համար պատրաստած շաքարաջրի մեջ ավելացնում են հա­տապտուղներ և թողնում 4 — 5 ժամ, որից հետո հատիկներն անջատ ում են շաքարաջրից։ Վերջինս եփում են 100—102°, առանձնացված հատիկները շատ զգուշությամբ լցնում եռաց֊ վող շաքարաջրի մեջ և շարունակում եփել մինչև պատրաստ լինելը:

3-֊րդ դեպքում 1 կգ հատապտղին ավելացնում են 1,3 կգ շաքարավազ, 1 թեյի բաժակ ջուր և թողնում 10—12 ժամ։ Առաջին և երկրորդ եփումը կատարվում Է թույլ կրակի վրա 5—8 րոպե։ 8—10 րոպե տևում Է հանգիստը։ 3-֊րդ անգամ եփում են մինչև հումքի լրիվ պատրաստ լինելը։

Հատապտուղների բնական գույնը չկորցնելու և չսևանա­լու համար, որքան կարելի Է, եփման տևողության ժամկետր պետք Է կրճատել։ Պատրաստի մուրաբան (90—92°) լցնում են 0,5—1,0 լիտրանոց ապակյա բանկաների մեջ և փակում թիթեղյա կափարիչներովt

Եթե հաղարջր շատ թթու է, շաքարի քանակությունը կմեծա­նա: Շաքարավազին ավելացնում են 1,5 թեյի բաժակ ջուր։ Շաքարաջուրը լցնում են հատապտուղների վրա և եփում, որոշ ժամանակից հետո կրակի վրայից վերց­նում են ամանը 5—8 րոպե ժամանակով՝ երեսի քափը քա­շելու համար և ապա շարունակում եփել մինչև նախատեսած վիճակի պատրաստ լինելը։

Կարմիր հաղարջի հատիկները ողկույզից անջատելուց հե­տո լվանում են, վրան ավելացնում 60 — 65 %-անոց շաքա­րաջուր, թողնում 8—12 ժամ և եփում ինչպես մորին։

Մեկ կգ կարմիր հաղարջին տրվում է 1,3 կգ շաքար, շատ թթու լինելու դեպքում օգտագործում են 1,4 —1,5 կգ շաքա­րավազ։